Banorët e Prosekut heqin dorë nga bujqësia, 450 ha nuk mbillet, mungon uji për vaditje

Banorët e mbetur kanë hequr dorë nga bujqësia për shkak të mungesës së ujit për vaditje.

“Fshati ynë mbante edhe dy të tjerë si puna e këtij fshatit, tani s’mban asgjë,” thotë një banor.

Vite më pare, sipas banorëve ishte një ndër zonat me rendiment më të lartë në sektorin e bujqësisë, por sot nuk punohet më shumë se 10 % e tokës bujqësore.

“Për 450 hektarë tokë që ka Proseku ka ngelur për 400 mijë dollarë që të bëhet një investim,” thotë ai.

Sistemi i vaditjes ka dalë jashtë funksioni prej gati 25 vitesh e bashkia Mirditë sipas banorëve nuk ka investuar kurrë.

“Ka 20 a 30 vjet që s’ka sjellë askush ujë, s’mbjell askush. Po pati ujë mbjellin të gjithë,” thotë një tjetër.

E njëjta situatë paraqitet në pjesën më të madhe të fshatrave të Mirditës, ku për shkak të terrenit tokat bujqësore janë të pakta.