Për deputetin e Partisë Demokratike, Gazment Bardhi kryeministri Edi Rama ka mbrojtur Agim Kajmakun, ish-kreu i PS në Bashkinë e Vorës, i arrestuar sot nga Itali pasi u kap me drogë. Demokrati ka publikuar një pjesë nga një intervistë e kryeministrit ku mohon çdo akuzë për Kajmakun. Bardhi kërkon Vetting-un në politikë.
Postimi i plotë
Edi Rama është përgjegjës për kriminalizimin e qeverisjes qëndrore dhe lokale. Ai nuk mund të fshihet dhe nuk mund ti ikë përgjegjësisë së tij.
Edi Rama e emëroi Agim Kajmakun kryetar të bashkisë së Vorës dhe ai do të ishte sot në detyrë nëse PD nuk do kishte denoncuar të shkuarën e tij kriminale. Asokohe Edi Rama dhe Belinda Balluku, në vend të ndjesës ndaj qytetarëve, zgjodhën baltën ndaj denoncuesve.
Që nga muaji Tetor 2021 Edi Rama ka bllokuar iniciativën e PD për vettingun e politikës. Sot më shumë se kurrë ajo iniciativë duhet të ecë përpara, duke garantuar jo vetëm largimin e të inkriminuarve nga qeverisja, por edhe shkëputjen e lidhjeve mes krimit dhe politikës.