Barometri: Vjosa Osmani, politikania më e pëlqyer në Shqipëri

Për herë të parë Barometri në Euronews Albania ka realizuar një pyetësor që bën bashkë mendimin e qytetarëve edhe në Shqipëri, edhe në Kosovë. Shqiptarët në të dy anët e kufirit janë pyetur për pëlqyeshmërinë që kanë për liderët e politikës në të dy vendet, për çështjet që kanë të bëjnë me marrëdhëniet mes dy vendeve, qytetarëve të tyre dhe qeverive.

Të pyetur për pëlqyeshmërinë për liderët e politikës së Kosovës në Shqipëri, ajo që kryeson është presidentja e Kosovës, Vjosa Osmani. 78.2 % e qytetarëve shqiptarë të pyetur kanë mendim pozitiv për Vjosa Osmanin.

Pas saj në Shqipëri renditet kryeministri Albin Kurti, me 77.5 % të qytetarëve që kanë mendim pozitiv për të. Ndërsa Ramush Haradinajn e pëlqejnë 63.6 % e të pyeturve në Shqipëri, Hashim Thacin 59,2 %, Memli Krasniqin 13,7 %, Glauk Konjufcën e pëlqejne 11.7 % dhe Ludmir Abdixhikun 7.3 % e shqiptarëve të pyetur. /Euronews Albania/