Ish-presidenti, Bamir Topi thotë se Sali Berisha, Edi Rama dhe Ilir Meta nuk do të largohen kurrë nga politika. Kurse për Lulzim Bashën, ai thotë se do e mbyllë karrierën pa asnjë fitore.
“Basha për mënyrën sesi u zgjidh dhe peshqeshin e madh që iu bë si dhe për parametrat e aftësisë që nuk i identifikova te figura e Bashës.
Me kalimin e kohës, kupton që kishte element të tjerë që nuk të bëjnë të suksesshëm, çështja e karakterit, e veprimeve të paimagjinueshme për të tjerët, mbajtja e fjalës gjë që s’e kam parë dhe kjo më bënte të konfirmoja parashikimin.
Nëse i njihen Berishës merita në vitet 90 për strukturimin e asaj lëvizjeje, për të njëjtat arsye unë i njoh Berishës defektin më të madh që opozita sot është në këtë gjendje, që gjithçka u lidh me emrin e tij, bën një politikë spastrimi brenda partisë së tij, dhe largimet e Bashës, ose janë bërë nën ndikimin e Berishës, ose në indiferentizmin e tij”.