Basha flet për vizitën në SHBA: Ja për çfarë do të shkoj…

Lideri i opozitës tregoi në një intervistë për “Vizion Plus” planet konkrete të opozitës.

Basha rrëfeu edhe se cili është qëllimi i vizites së pritshme të kreut të PD ne Shtetet e Bashkuara te Amerikes.

“I gjithë kontakti im me faktorin ndërkombëtar, me partnerët tanë strategjikë, SHBA, Gjermaninë, Britaninë e Madhe, Italinë, Francën, vendet e tjera të BE, Hollandën, kanë një dhe vetëm  një qëllim -dhënien fund të kësaj krize të tmerrshme politike, që është kthyer në një krizë ekonomike dhe sociale për shqiptarët dhe hapjen e horizontit për Shqipërinë europiane”, tha Basha.

Këmbënguljes së gazetares së Vizion Plus nëse kjo vizitë ka lidhje  me financimet, siç e  kanë akuzuar kundërshtarët politik, Basha iu përgjigj me një tjetër pyetje retorike:

“Po pse do të ketë lidhje me hetimet politike të Edi Ramës?”, pyeti Basha.