Basha kundër Berishës: Mbështesim SPAK-un, të shembet muri i pandëshkueshmërisë

Lulzim Basha thotë se Partia Demokratike mbështet pa asnjë kusht SPAK dhe kuftën kundër korrupsionit që ka nisur kjo strukturë. Nga takimi që Basha pati me demokratët e Krujës, ai ironizoi Berishën, i cili në mënyrë të vazhdueshme e quan SPAK një organizatë kriminale.

”Nëse gjithë ditën thua jam kundër korrupsionit, Rama është më i korruptuar në planet dhe pastaj thua SKAPI organizatë kriminale ku jemi? Kush do ta bëjë drejtësinë? Partia? Pa diskutim që jo. Askush nuk e ka çekun e bardhë. Të gjitha duhet të jenë në provë. Kjo është domethënia e shtetit të së drejtës.

Në momentin që ke mandatin detyra e institucioneve politike sic është PD, është të vendoset pro ose kundër korrupsionit. Nëse je kundër korrupsionit e ke me detyrim të jesh pro SPAK, pro hetimit të korruptuarve, pro dhënies fund të pandëshkuemshmërisë. Kjo është domethënia e qëndrimit tonë dhe e rreshtimit tonë në krah të SPAK pa kushte”, tha Basha.