Bashkia e Tiranës miraton mbi 1,100 kredi të buta për familjet dhe çiftet e reja

Bashkia e Tiranës miratoi sot mbi 1,100 kredi të buta për familjet dhe çiftet e reja që nuk kanë mundësi të blejnë një banesë sipas kushteve të tregut. Programi i kredisë së butë është një nga nismat e para të ndërmarra nga kryebashkiaku Erion Veliaj, i cili aktualisht ndodhet në qeli pas akuzave nga SPAK.

Deri më sot janë dhënë 3,651 kredi të buta, ndërsa me vendimin e sotëm ky numër rritet ndjeshëm. Përfituesit janë familje të reja, çifte të sapomartuara dhe qytetarë që kanë më shumë nevojë për mbështetje për të nisur jetën në një shtëpi të tyren.

Përveç kredive, janë shpërndarë 2,057 bonuse strehimi dhe janë vënë në dispozicion 419 banesa sociale me qira, duke ndihmuar me strehim të sigurt dhe të përballueshëm ata që nuk kanë asnjë mundësi tjetër. Ndërkohë po ditën e sotme Këshilli Bashkiak mësoi kryetaren e saj të re. Ai do të drejtohet nga Megi Fino.