Bashkia e Tiranës vishet me ngjyrat e flamurit amerikan, Yuri Kim falenderon Veliajn

Bashkia e Tiranës është veshur me ngjyrat e flamurit amerikan në shenjë solidarizimi pasi vendi ka numrin më të madh të të infektuarve në të gjithë botën. “Yje dhe vija, bashkia e Tiranës. Shumë prej nesh, jetuan, studiuan, bënë miq dhe familje në SHBA. Kemi dhimbje ndërsa shohim numrin dhe luftën e jashtëzakonshme që po kalojnë miqtë tanë amerikanë, si vendi më i prekur nga koronavirusi. Le ta fitojmë këtë, të qëndrojmë të fortë”, ka shkruar Veliaj. Këtë gjest e ka falenderuar ambasadorja Yuri Kim, duke theksuar se pandeminë do ta kapërcejmë së bashku. ”Faleminderit, Kryetar i Bashkisë Erion Veliaj dhe të gjithë miqtë shqiptarë për miqësinë dhe solidaritetin tuaj. Do ta kapërcejmë këtë së bashku”.