Bashkia riparon fasadën e Qeverisë. Veliaj: Të dhunosh me banerin “Mbro Tallashin” është hipokrizi

Punonjësit e Bashkisë së Tiranës kanë nisur sot nga puna për të kryer riparimet e fasadës së kryeministrisë që u dëmtua gjatë protestës së opozitës. Kryebashkiaku Veliaj ka falenderuar të gjithë punonjësit e Bashkisë për punën pa orar për rikthimin e gjendjes së mëparshme. “Flm kolegëve që e gdhinë për të pastruar ndërtesën e Gherardo Bosio pas ekskursionit të dhunës e teksa pasardhësit e tij italianë janë në Tiranë, të dhunosh kryeministrinë me banerin “Mbro Tallashin” është një hipokrizi epike! Ndaj në 30 Qershor, referendum edhe për këtë”, shkruan Veliaj.