CNN: Vullkani shpërthen në Rusi pas tërmetit 7.0 ballë, duke flakur hirin 8 kilometra lart

Një vullkan ka shpërthyer pas një tërmeti me magnitudë 7.0 që goditi brigjet lindore të Rusisë, duke flakëruar lart një masë të konsiderueshme, raportojnë për CNN mediat shtetërore.
Vullkani Shiveluch është rreth 280 milje nga Petropavlovsk-Kamchatsky, një qytet bregdetar me një popullsi prej rreth 180,000 banorësh që shtrihet në rajonin lindor të Rusisë, Kamçatka.
“Sipas vlerësimeve vizuale, masa e hirit që shpërthimi gufon po ngrihet deri në 8 kilometra (5 milje) mbi nivelin e detit,” raportoi TASS të dielën në mëngjes me kohën lokale, duke shtuar se vullkani kishte lëshuar gjithashtu një rrjedhje llave.
Nuk ka raportime për persona të lënduar, tha TASS.
Sipas Shërbimit Gjeologjik të SHBA (USGS), epiqendra e tërmetit ishte rreth 55 milje nga Petropavlovsk-Kamchatsky dhe kishte një thellësi prej rreth 30 milje.
Asnjë “dëm i madh” nuk u shkaktua nga tërmeti, raportoi TASS, megjithatë “ndërtesat tani janë duke u ekzaminuar për dëme të mundshme, me vëmendje të veçantë për objektet sociale”.
Ministria ruse e Emergjencave nuk ka lëshuar paralajmërim për cunami për shkak të tërmetit, raportoi TASS.
Më herët, Sistemi i Paralajmërimit të Cunamit në SHBA kishte paralajmëruar se “valët e rrezikshme të cunamit nga ky tërmet janë të mundshme brenda 300 km [afërsisht 186 milje] nga epiqendra përgjatë brigjeve të Rusisë”.

CNN
AV/ Koha Jonë