Beci njofton ndërtimin e një strehëze të re për qentë endacakë në Shkodër

Kryetari i Bashkisë së Shkodrës, Benet Beci, ka bërë të ditur nisjen e punimeve për një strehëz të re për qentë endacakë, një projekt që synon përmirësimin e kushteve për kafshët dhe rritjen e sigurisë në qytet.

Në postimin e tij, ai thekson se kjo është strehëza e tretë që po ndërtohet, me kapacitet rreth 100 qen, dhe me një risi të rëndësishme: integrimin e një klinike veterinare brenda godinës. Sipas tij, ky investim përfaqëson një hap konkret drejt një menaxhimi më të përgjegjshëm dhe të qëndrueshëm të problematikës së qenve endacakë në Shkodër.