Kryetari i Bashkisë së Shkodrës, Benet Beci, ka njoftuar për përfundimin e punimeve të asfaltimit në segmentet e dëmtuara të rrugës në zonën Bleran–Bardhaj, pas ndërhyrjes për shtrimin e rrjetit të ri të ujësjellësit.
Postimi i plotë:
📍 Bleran – Bardhaj
Ka përfunduar asfaltimi i plotë i pjesëve të dëmtuara të rrugës në zonën e Bleranit dhe Bardhajt. Pas shtrimit të rrjetit të ri të ujësjellësit, tashmë janë riparuar dhe asfaltuar të gjitha segmentet që u prekën gjatë punimeve.
Investimet në infrastrukturë shoqërohen gjithmonë me rikthimin e rrugëve në gjendjen e tyre të plotë, për të garantuar qarkullim më të sigurt dhe kushte më të mira për banorët e zonës.