Belinda Balluku: Të dielën së bashku me kryeministrin Rama për panairin e punës në Athinë

Kryeministri Edi Rama do të marrë pjesë në Panairin e Punës në Athinë këtë të dielë. Lajmin e ka dhënë dhe zv/kryeministrja dhe ministrja Belinda Balluku në një postim në rrjetet sociale. “Në praninë e kryeministrit Edi Rama, të dielën në orën 09:00 nis panairi i punës në Athinë. Kompani shqiptare nga sektorët e hoteleri-turizmit, ndërtimit, shërbimeve dhe teknologjisë së informacionit, do të bëjnë ofertat e tyre të punës për shqiptarët që banojnë në Greqi dhe duan të kthehen në atdhe. Do të jetë një ditë feste e mundësish për të gjithë Diasporën shqiptare në Greqi. Ejani për të na takuar në Technopolis, Athinë”, shkruan Balluku.