Benet Beci: Angazhim maksimal për furnizim të sigurt me ujë në Shkodër

Në prag të sezonit veror, kryetari i Bashkisë së Shkodrës, Benet Beci, ka bërë të ditur përmes një postimi publik masat e marra për garantimin e furnizimit të qëndrueshëm me ujë të pijshëm në qytet.

Sipas tij, ndërhyrjet e fundit nga Ndërmarrja e Ujësjellës Kanalizimeve synojnë përmirësimin e cilësisë së ujit dhe respektimin e standardeve higjeno-sanitare për qytetarët dhe vizitorët gjatë periudhës së verës.

Postimi plotë:

Në prag të sezonit veror, angazhim maksimal për furnizim të sigurt me ujë të pijshëm në Shkodër.
Ndërmarrja Ujësjellës Kanalizime ka zhvilluar një seri ndërhyrjesh të rëndësishme për përmirësimin e cilësisë së ujit dhe garantimin e standardeve higjeno-sanitare për qytetarët dhe vizitorët.
Janë kryer pastrime dhe klorifikime në pikat kryesore të furnizimit, si dhe ndërhyrje teknike në disa prej strukturave kyçe të sistemit, përfshirë rezervuarët e Qafë Shtiqen, rrjetin që lidhet me ITUN Velipojë dhe stacionet Final 1 dhe Final 2, ku është realizuar mirëmbajtje e plotë dhe zëvendësim i pompës.
Puna vazhdon çdo ditë për të garantuar një shërbim më cilësor dhe të qëndrueshëm për të gjithë.