Benet Beci: Bizneset në Shkodër nisin lirimin vullnetar të hapësirave publike

Aksioni kombëtar për lirimin e hapësirave publike ka hyrë në një fazë të re në Shkodër, ku disa biznese kanë nisur vetë lirimin e trotuareve dhe zonave që u përkasin qytetarëve. Kryetari i Bashkisë Shkodër, Benet Beci, ka njoftuar se procesi po ecën në mënyrë graduale dhe me ndërgjegjësim nga një pjesë e subjekteve private.

“Policia Bashkiake ka njoftuar të gjitha bizneset për lirimin vullnetar të këtyre hapësirave. Nëse kjo nuk ndodh, do të veprojmë sipas ligjit deri në lirimin e plotë të tyre,” thuhet në njoftimin e publikuar nga Beci.