Benet Beci: “Offline për një ditë”, premierë për fëmijë në Teatrin “Migjeni”

Kryetari i Bashkisë së Shkodrës, Benet Beci, ka ndarë një njoftim mbi një projekt të ri artistik që vendos fëmijët në qendër dhe teatrin në shërbim të tyre.

Bëhet fjalë për premierën “Offline për një ditë”, e cila do të vijë së shpejti në Teatri Migjeni. Shfaqja është një projekt artistik i shkruar nga Gjovalin Kolaj, me regji nga Drande Xhaj, e vlerësuar me titullin “Mjeshtre e Madhe”.

Postimi i plotë:

Fëmijët në qendër, teatri në shërbim të tyre. 🎭✨
“Offline për një ditë” vjen si premierë për fëmijë në Teatrin “Migjeni”, një projekt artistik i shkruar nga Gjovalin Kolaj, me regji nga Mjeshtre e Madhe Drande Xhaj dhe me pjesëmarrjen e fëmijëve të grupit të aktrimit të QKF “Kujtim Alija”.
Një komedi bashkëkohore që, përmes humorit, na fton të reflektojmë mbi marrëdhënien me teknologjinë dhe rëndësinë e komunikimit të drejtpërdrejtë.
Një ditë larg ekranit, më pranë lojës, skenës dhe njëri-tjetrit.
Së shpejti në Teatrin “Migjeni”… 🎭✨