Kryetari i Bashkisë Shkodër, Benet Beci, ka zhvilluar një takim me Rektoren e Universitetit të Shkodrës, prof. dr. Blerta Dragusha, ku është njohur me të dhënat e reja sa i përket regjistrimeve për vitin e ri akademik.
Përmes një postimi në rrjetet sociale, Beci bëri me dije se regjistrimet në Universitetin e Shkodrës janë në rritje, ndërsa u ka bërë një ftesë të rinjve që të zgjedhin universitetin e qytetit për të vijuar studimet e larta.
Postimi i plotë:
Me kënaqësi zhvillova një takim me Rektoren e Universitetit të Shkodrës, prof. dr. Blerta Dragusha, ku u njoha me shifrat në rritje të regjistrimeve për vitin e ri akademik.
Ftesa ime për çdo të ri është të zgjedhë Universitetin e Shkodrës për të vijuar studimet dhe për të ndërtuar të ardhmen këtu, në qytetin tonë.
Me prof. Zamira Shkrelin, nga Qendra e Studimeve Albanologjike, diskutuam për vijimin e konferencës shkencore “Shkodra në Shekuj”, e rikthyer vitin e kaluar pas disa vitesh mungesë, falë bashkëpunimit të ngushtë mes Bashkisë dhe Universitetit të Shkodrës.
Universiteti mbetet një partner i rëndësishëm për zhvillimin e dijes, kulturës dhe të ardhmes së Shkodrës. 🎓🤝🏻
