Benet Beci: Së shpejti nis ndërtimi i pallateve sociale në Shkodër

Kryetari i Bashkisë së Shkodrës, Benet Beci, ka njoftuar se shumë shpejt do të nisë ndërtimi i pallateve sociale për familjet në nevojë. Projekti, i realizuar në bashkëpunim me Entin Kombëtar të Banesave, parashikon ndërtimin e 7 pallateve dhe synon të ofrojë strehim dinjitoz për qytetarët që kanë më shumë nevojë.

Postimi i plotë:

Ndërtimi i pallateve sociale për të pastrehët do të nisë shumë shpejt në Shkodër, si një investim i drejtpërdrejtë për familjet që kanë më shumë nevojë për strehim.
Takova Drejtorin e Entit Kombëtar të Banesave, Besmir Hysa, së bashku me ekipin e tij, ku u konfirmua se jemi në fazën përmbyllëse të projektit të përbashkët ku parashikohen ndertimi i 7 pallateve për strehim Social.
Shkodra është ndër përfitueset e këtij programi, një tjetër hap konkret drejt garantimit të strehimit dinjitoz dhe mbështetjes reale për qytetarët.