Berat, kamioni përplas për vdekje një nxënës shkolle, ndalohet shoferi

Një fëmijë vetëm 10 vjeç  humbi jetën paraditen e sotme, pasi ai është përplasur nga një kamion, teksa po kalonte matanë rrugës. Aksidenti ndodhi në fshatin Samaticë të  Beratit dhe i mituri, që besohet se po shkonte në shkollë,  teksa tentoi të kalonte rrugën, u përplas për vdekje nga kamioni. Fëmija  u transportua në spital, por pa shenja jete. Policia shkoi në vendngjarje dhe ndaloi  drejtuesin e kamionit, identiteti i të cilit nuk bëhet i ditur, por mësohet të jetë një 33-vjeçar nga zona ku edhe ndodhi aksidenti. Policia po heton për zbardhjen e plotë të ngjarjes, nëse shoferi ka qenë me shpejtësi, apo ka ndikuar edhe ndonjë pakujdesi e fëmijës, që mund të jetë shkëputur nga të tjerët dhe por pasojë shoferi mund të mos ketë pasur mundësi manovrimi.