Berat/Reshjet e shiut përmbytin pusetat

Pas situatës me stuhinë në qytetin e Elbasanit edhe në Berat reshjet e shiut kanë shkaktuar probleme. Shiu ka krijuar një kaos në lëvizjen e makinave ku janë krijuar radhë të gjata automjetesh nga Kombinati në hyrje të Beratit e deri në Uznovë në dalje të qytetit. Uji ka vërshuar në rrugët e qytetit për shkak se disa puseta kulluese kanë shpërthyer nga prurjet e larta të shiut dhe amortizimit të tubacioneve. Ky aks rrugor krijon gjithmonë problematika pas reshjeve të shiut. Punonjësit e bashkisë dhe të ujësjellësit po punojnë në kanalizime për të zhbllokuar pusetat.