Protesta del jashtë kontrollit. Digjen Gjykata e Lartë dhe disa objekte. Shumë të plagosur. RENEA del në fushëbetejë…

Tirana i ngjan një situate lufte.

Situata këtë mbrëmje është kritike dhe protesta ka dalë jashtë kontrollit. Prej disa orësh ka përplasje protestues-Polici te Kryeministria, dhe disa protestues kanë rënë në trotuar në gjendje të rëndë. Nga turma janë hedhur shishe molotov me lëndë djegëse drejt policisë. Ka policë në flakë ku njeri sa nuk u dogj plotësisht nga bomba molotov e hedhur nga protestues. Deri tani janë 132 policë të plagosur, sipas numrit një të Policisë së Shtetit.

Policia ka nisur aksionin e vendosur kundër protestuesve duke përparuar me makina dhe duke bërë që protestuesit të zmbrapsen. Menjëherë pas avancimit policor, një person është plagosur dhe ka qëndruar i shtrirë në Bulevard. Ndihma e parë u dha nga përfaqësues të medias dhe po i jepet ndihma e parë. Nga ana e policisë njoftohet se policë të plagosur.

Disa furgona policie të mbushur me efektivë brenda tyre dhe të tjerë me shkopa gome në duar kanë mësyrë duke bërë dhjetëra shoqërime. Në një moment protestuesit morën para policinë duke hedhur bomba mootov dhe gurë, të shkulur nga bulevardi. Me pas policia hidhet në aksion me gaz dhe sulm total ndaj protestuesve. Pas kaq ditësh përplasje të dhunshme, forcat RENEA kanë dalë në Bulevard dhe morën rrethimin e kryeministrisë. Theksojmë se forcat RENEA dalin vetëm me autorizim të posaçëm dhe në situata të jashtëzakonshme.

Ndërkohë protestuesit kanë djegur katin e parë të ish-hotel Dajtit, katin e parë Gjykatës së Lartë dhe disa degë bankash. Kanë djegur edhe disa biznese dhe makina private. Partia Socialiste ka reaguar pas sulmit me molotovë te godina e Gjykatës së Lartë, ku u dogjën disa zyra. PS akuzon drejtëpërdrejtë Sali Berishën, duke thënë se u parapriu akteve të dhunës me sulmet verbale ndaj gjyqtarëve që caktuan masat për protestuesit. “Flakët mbi Gjykatën e Lartë i parapriu Sali Berisha, i cili sulmoi gjyqtarët që dhanë masa mbi dhunuesit e ligjit. Nuk ka kthim mbrapa për Shqipërinë”, thuhet në reagimin e socialistëve.

Drejtori i Përgjithshëm i Policisë së Shtetit, Skënder Hita, mbërriti në bulevard gjatë protestës së sotme, ku u përball me deputetët e Partisë Mundësia, Agron Shehaj dhe Erald Kapri. Gjatë qëndrimit të tij, mes deputetëve dhe efektivëve të policisë që shoqëronin Hitën pati një përplasje fizike, pasi uniformat blu nuk lejuan Shehajn dhe Kaprin t’i afroheshin drejtorit të Policisë. Pas konfrontimit, Agron Shehaj akuzoi policinë për dhunë ndaj të miturve të shoqëruar në komisariatin nr. 2, duke ngritur pikëpyetje edhe për daljen e forcave RENEA të armatosura. Ndërkohë, Erald Kapri mbeti i lënduar nga spraji lotsjellës i hedhur në drejtim të tij dhe mori ndihmë nga mjekët e pranishëm.

Flakët te Gjykata e Lartë, PS akuzon Berishën: I parapriu me sulmet ndaj gjyqtarëve

Një makinë e llojit ”Volvo” me ngjyrë të kaltër e braktisur në Bulevardin ”Dëshmorët e Kombit”, siç shihet në video-t e gazetarit të ”Koha Jonë”, Daniel Muçaku është marrë nga protestuesit dhe më pas i është vënë flaka, duke shtuar tensionet në zonë. Kjo skenë kthen skenën e 11 Janar 2011. Përdorimi i molotovëve ndaj mjeteve të blinduara dhe kundërpërgjigja e policisë me ujë me presion e gaz lotsjellës e kanë kthyer zonën përreth Kryeministrisë në një fushë të vërtetë përplasjeje, ndërsa situata mbetet mjaft e nxehtë dhe e paparashikueshme.

Ngjarja ngre pikëpyetje, pasi i gjithë perimetri i Bulevardit dhe rrugëve dytësore përreth Kryeministrisë është tërësisht i rrethuar dhe i blinduar nga kordonët e forcave të rendit e autobotët e ujit. Mbetet ende e paqartë se si ky automjet ka arritur të depërtojë në mes të zonës me rrezikshmëri të lartë e të bllokuar për qarkullimin e mjeteve.

Lexoni edhe

Situata jashtë kontrollit, forcat RENEA mbërrijnë para Kryeministrisë

Deputetët Shehaj dhe Kapri përplasje fizike me drejtorin e Policisë: Pse doli RENEA?

VIDEO/ Protestuesit i vënë flakën bankës OTP tek ”Myslym Shyri”

QSUT: 17 efektivë dhe 15 protestues të paraqitur nga protesta për ndihmë mjekësore

Trazirat në vend, Arqipeshkvi i Shkodër-Pult: Ata që qeverisin duhet të marrin vendime të vështira për të mirën e vendit

Agron Shehaj thirrje Ramës: Jep dorëheqjen para se të ndodhë ndonjë tragjedi

Protestuesit i vënë flakën murit rrethues tek ish-ambasada ruse

Goditet autoblinda e policisë, thyhet xhami i makinës

Ministria e Shëndetësisë: 9 protestues, 1 kalimtar dhe 4 efektivë të paraqitur në spital ditën e sotme

Situatë e rrezikshme në bulevard! Përleshje me gurë, fishekzjarrë, ujë me presion e gaz lotsjellës

Trazirat në Tiranë, 207 persona të lënduar. Mes të plagosurve edhe 17 kalimtarë

Drejtori Hita sqaron përdorimin e fishekëve të gomës nga Policia në protestë: 132 efektivë janë të lënduar

”Qeveria po i çon shqiptarët drejt përplasjes”, Tabaku: Rama del si lugat që në të gdhirë, duhet zgjidhje politike

Tensione para Kryeministrisë, policia futet mes turmës dhe nis shoqërimet

Thirrja e Urgjencës Kombëtare: Ambulancat janë në shërbim të jetës. Mos i pengoni!