Berisha me të rinjtë: Rama, narkodiktatori që nuk respekton votën e lirë të shqiptarëve

Sali Berisha bashkë me kryestrategun e fushatës së PD, Chris LaCivita, organizuan një takim me të rinjtë e FRPD-së. Berisha tha se Rama është një lloj narkoditatori që nuk respekton vendimet e gjykatës kushtetuese dhe as votën e lirë. Për të fasada e Ramës ka marrë fund në dy institucionet Europiane.

”Seanca në Komisionin e Punëve të Jashtme dhe të Sigurisë u dha situata dramatike e Shqipërisë. Edi Rama një lloj narkoditatori që nuk respekton vendimet e gjykatës kushtetuese, nuk respekton votën e lirë të shqiptarëve. U paraqitën me vërtetësi të madhe, qendrimi i tij ndaj pluralizmit dhe kundërshtarëve politikë.

Fasada e Edi Ramës mori fund në dy institucionet themelore të demokracisë europiane dhe të BE-së, dhe të politikës europiane.

Duhet të përpiqemi që ta kalojmë censurën. Edhe kjo. Unë e thashë në KE. Akti i mbylljes së Tik Tok, është akti i Habitullahut të Kabulit. Sqarova dhe një gjë”,-tha Berisha.