Berisha në fushatë edhe pse është Non grata nga SHBA? Soreca: Nuk komentoj zhvillimet e brendshme të një partie

Ambasadori i BE-së, Luigi Soreca u pyet për një koment lidhur me aktivitetin e Sali Berishës dhe pjesëmarrjen në fushatë edhe pse është shpallur ‘Non Grata’ nga SHBA. Nga Korça, ai deklaroi se nuk dëshiron të komentojë zhvillimet e brendshme të një partie.

“Më lejoni të mos komentoj për zhvillimet e brendshme të një partie. Ne kemi ndjekur dhe vijojmë të ndjekim parimin e mosndërhyrjes. Do ketë dhe zgjedhje në të ardhmen. Në të njëjtën kohë vazhdojmë punën tonë duke biseduar me të gjitha forcat politike në vend edhe sa i përket çështjes së vettingut”, deklaroi Soreca.