Vetë i shpallur ”non-grata” nga Amerika, Sali Berisha thotë se pas 11 majit, kryeministri Edi Rama do të ekstradohet në SHBA. ”Unë nuk kam një projekt që të udhëtoj para 11 majit drejt SHBA. Ato ndryshime epokale në SHBA flasin vetë, nuk ka nevojë t’i komentojë Berisha. Gjarprit iu pre koka. Edi Rama heq dhe vë fotografitë, bën ”woke culture” me fotot e Aleksis Soros dhe Xhorxh Soros.
Dosja McGonigal ka filluar të ecë, është në këmbë. Rama do të ekstradohet pas 11 majit në SHBA. Atë e pret ekstradimi. Ose pastaj do vijnë të gjykohen këtu, një gjyq i përbashkët”, tha Berisha.
Po ashtu i ka bërë thirrje fëmijëve dhe të rinjve që të bojkotojnë mësimin dhe të nisin protestat, për të kundërshtuar mbylljen e Tik Tok. Berisha i bëri përmes një deklarate për mediat, ku mes të tjerash u bëri thirrje atyre që të merrnin pjesë në protestën e 15 marsit. Ai garantoi nxënësit se nuk do të guxojë asnjë shkollë apo mësues të marrë masa ndaj tyre. Për të do të përballen me pasojat më të rrepta ligjore.
