Deputetja e PD-së Jorida Tabaku, e ka cilësuar lajm të mirë lirimin e kryetarit të PD-së, Sali Berisha, nga ”arresti i shtëpisë” pas 11 muajve. Tabaku tha në një dalje televizive se rikthimi i Berishës përpara zgjedhjeve elektorale do të gjallërojë strukturat e PD-së.
”Sigurisht që është rikthyer pas një beteje që ka zgjatur për rreth 1 vit. Është një lajm i mirë për PD dhe strukturat e saj. Kishim lojtarin kryesor jashtë fushe, është shpenzuar shumë energji në këtë betejë të drejtë, dhe në kushte të tjera kjo energji do të shpenzohej për kundërshtarin.
Ky rikthim i Berishës përpara zgjedhjeve elektorale është shumë i rëndësishëm, pasi jo vetëm do të gjallërojë strukturat e PD, por sot opozita mund të fokusohet tërësisht në dhënien e një alternative. Berisha është një nga denoncuesit më të fortë dhe besoj se do vazhdojë ta bëjë këtë gjë”.
