Besimtarët myslimanë refuzojnë ta marrin vaksinën në agjërim

Muaji i Ramazanit ul vaksinimet kundër Covid-19 në Shqipëri. Silva Bino pohon se në këtë periudhë agjërimi, besimtarët po refuzojnë marrjen e dozave anti-covid. Aktualisht 11% e popullsisë kanë marrë dozën e parë të vaksinës, ndërsa 20 mijë persona, kryesisht mjekë dhe infermierë i kanë marrë të dyja dozat.

Shefja për sëmundjet infektive në Institutin e Shëndetit nuk përjashtoi problemet e shfaqura pas vaksinimit, si me Pfizer ashtu dhe me llojet e tjera. Edhe pse nuk dha shifra të incidenteve të ndodhura, këto po verifikohen nga një grup specialistësh.

Instituti i Shëndetit Publik po kryen studim mbi efektivitetin e vaksinës te personeli mjekësor në 5 spitale jo Covid në Tiranë dhe rrethe. Nuk rezultojnë mjekë dhe infermierë të infektuar pas dozës së dytë të Pfizer.