Biden: Marrëveshja COP29 për të luftuar ndryshimet klimatike “një tjetër arritje historike”.

Presidenti në largim i SHBA Joe Biden e quajti marrëveshjen COP29 për të financuar përpjekjet e vendeve më të varfra për të luftuar ndryshimet klimatike “një tjetër arritje historike”.

Biden, në një deklaratë e quajti marrëveshjen e Bakut, e cila siguron 1.3 trilion dollarë financim vjetor për vendet më të varfra deri në vitin 2035, “një objektiv ambicioz” për financimin e klimës.

Ai tha se do të ndihmonte në mobilizimin e niveleve të ndryshme të financimit dhe krijimin e tregjeve për automjetet elektrike të SHBA-së dhe produkte të tjera miqësore me klimën.

Në një referencë të fshehtë për presidentin e zgjedhur Donald Trump, i cili ka premtuar të rrisë shpimet e naftës sapo të marrë detyrën më 20 janar, Biden tha “ndërsa disa mund të kërkojnë të mohojnë ose vonojnë revolucionin e energjisë së pastër që po ndodh në Amerikë dhe në botën, askush nuk mund ta kthejë atë, askush”. /os/ ATSH