Bie interesi për mjekësinë me 40%, maturantët frika nga mbajtja “peng” e diplomës

Maturantët që këtë vit kanë aplikuar në programin “Mjekësi e Përgjithshme”, do të duhet që të zhvillojnë testimin e informatizuar pranë Qëndrës së Shërbimeve Arsimore nga data 10 deri më 20 gusht.

Në krahasim me vitin e kaluar, numri i aplikantëve ka rënë me 40%. Studentët aktualë i lexojnë shifrat si një pasojë e ligjit që iu mban peng diplomën dhe I’u heq mundësinë për tu specializuar në shtete të tjera.

Ministria e Arsimit e konsideron ligjin në interesin e shumicës së popullsisë, ndërsa këtë vit është rritur edhe numri i kuotave në dispozicion duke shkuar në rreth 500 të tilla.

Presidenti nuk e ka thënë ende fjalën e fundit nëse ligji për studentët e mjekësisë do të dekretohet apo jo.