Bizneset që rihapen të hënën. Veç 9 orë e gjysmë punë

Nga e hëna e 11 majit, një tjetër grup biznesesh do të rinisë punën, por duke ndjekur masat e vendosura në protokollet e publikuara. Parukeritë, qendrat estetike, berberët, qendrat tregtare dhe klinikat dentare do të lejohen të hapen që nga dita e hënë, për vetëm 9 orë e gjysmë. Ministrja e Shëndetësisë, Ogerta Manastirliu bëri me dije se fasha orare për të gjitha bizneset që rihapen javën e ardhshme do të jetë 08:00-17:30, orar i cili do të vijojë për aq kohë sa Tirana dhe qytete të tjera mbeten në zonën e kuqe.