Bledi Çuçi: Shkarkohet drejtori i përgjithshëm i Policisë së Shtetit
Sot ministri i Brendshëm Bledi Çuçi njoftoi shkarkimin e drejtorit të përgjithshëm të policisë së shtetit Gledis Nano.
Ajo që u përfol këto ditë u bë zyrtare.
Ministri i Brendshëm Bledi Çuçi deklaroi sot se “qeveria mori vendim për shkarkimin e drejtorit të përgjithshëm të drejtorit të Policisë, Gledis Nano”.
“Nuk realizoi objektivat”, tha ministri Çuçi.
Deri në emërimin e drejtorit të ri të Policisë, ministri i Brendshëm tha se detyrat do t’i ushtrojë nëndrejtori i Përgjithshëm i Policisë, Tonin Vocaj.
Po kështu se është vendosur nëndrejtori i ri i SHISH, Olian Kanushi.
“Nuk kemi ndryshuar kreun e SHISH, kemi emëruar nëndrejtorin Olian Kanushi. Është bërë plotësimi i një vakance të mbetur peng prej kohësh për shkak të konfliktit të lindur midis institucionit të Presidentit dhe SHISH. Pa diskutim ka shkallë përgjegjësie. Deri tani Këshilli i Ministrave, qeveria ka menduar se ndryshimi i menaxhimit nëpërmjet shkarkimit të drejtorit të Përgjithshëm të Policisë do të jetë efikas për të pasur një reagim më të fortë ndaj luftës kundër krimit”, tha Çuçi.
