”Blindohet” ish-Blloku, Policia nis patrullimet (VIDEO)

Kur Shqipëria po shkon drejt paralizimit nga situata e koronavirusit, në Tiranë, sidomos në zonën e ish-Bllokut qytetarët vijojnë të shkelin masat dhe të mbushin lokalet. Pasditen e të mërkurës kanë nisur patrullimet e para të policisë në kryeqytet. Policia e Shtetit, Policia Rrugore dhe Policia Ushtarake janë parë të qarkullojnë në një nga zonat më të populluara të Tiranës, ish-Bllok. Edhe në qytete të tjera të vendit, si në Shkodër, Vlorë dhe Lezhë, policia ka ngritur postblloqe në disa pika kyçe të qyteteve.