Bllokimi i autostradës dhe rrugës për në Rinas, Policia nis hetimet

Policia e Tiranës ka nisur hetimet për bllokimin e autostradës Tiranë-Durrës dhe rrugës për në aeroportin e Rinasit nga protestuesit një ditë më parë. Policia ka marrë në pyetje disa prej organizatorëve të protestës, mes tyre edhe Gent Prognin, i cili del në pamje duke drejtuar marshimin.

Progni pritet të merret në hetim në gjendje të lirë për disa vepra penale, prishje e qetësisë publike, bllokim rrugësh dhe tubim i paligjshëm. Sipas burimeve pranë policisë, ka qenë Progni që ka njoftuar në fund të tubimit të gjithë protestuesit për marshim të gjatë dhe se duhej të bëheshin gati. Në vijim, policia ka administruar pamje filmike të të gjithë orientimit që dyshohet se Progni u ka bërë protestuesve për të vijuar marshimin deri në rrugën e Rinasit.

Protestuesit që shkuan deri në Rinas, kryeministri Edi Rama i ka cilësuar si një turmë që po degradohet nga mendje të liga, pa përmendur ndonjë emër të veçantë. Sipas tij, bllokimi i njerëzve gjatë natës është një veprim ekstremist që frymëzon bullizimin online.

Protestuesit bllokuan rrugën e Rinasit, reagon Kryeministri Rama

Kryeministri i përgjigjet protestuesit: Respekte për etikën