Bllokohen 30 makina në Qafë-Thanë/ Helikopterë dhe FNSH nisen në vendngjarje
Dhjetëra makina bllokohen në Qafë-Thanë
Përveç rrugës së bllokuar në aksin Maqellarë-Peshkopi, lajme për bllokim në borë vijnë edhe nga Qafë-Thana.
Për shkak të reshjeve të borës, dhjetëra makina janë bllokuar që para 2 orësh në Qafë-Thanë ndërsa mes të bllokuarve ka gra dhe fëmijë.
Ndërkohë, njoftohet se drejt Qafë-Thanës janë nisur forcat e ndërhyrjes së shpejtë të cilët synojnë të ndihmojnë zhbllokimin e rrugës dhe evakuimin e qytetarëve të ngelur në rrugë.
Situatë e ngjashme është edhe në aksin Maqellarë-Peshkopi, ku qytetarët kanë ngelur të bllokuar në makinat e tyre për më shumë se tre orë.