Bora zbardh vendin, ARRSH thirrje për kujdes në këto akse

Juglindja e vendit është zbardhur nga bora, megjithatë ARRSH-ja raporton se nuk ka probleme në qarkullim e mjeteve në të gjitha akset kombëtare. ”Në Qarkun Korçë gjatë natës ka pasur reshje shiu dhe bore. U punua dhe po punohet në Qafën e Qarrit-Korçë-Ersekë, në Rrugën e Dardhës, Rrugën e Voskopojës. Nuk ka probleme në qarkullim e mjeteve në të gjitha akset kombëtare. Rekomandohet përdorimi i zinxhirëve në Rrugën e Dardhës për mjetet e vogla. Puna do të vazhdojë pa ndërprerje gjatë ditës nga Kontraktorët e mirëmbjajtjes nisur edhe nga parashikimet e motit për orët në vijim. Drejtuesit e mjeteve që zgjedhin të kalojnë këto akse të tregohen të kujdesshëm, të respektojnë sinjalistikën dhe udhëzimet e Policisë Rrugore”.