Mbrëmjen e sotme në RTV Ora ka qenë i ftuar sekretari i përgjithshëm i partisë Lëvizja Socialiste për Integrim, Endrit Braimllari.
Ai është shprehur se Edi Rama është i vetmi person që nuk kërkon që të ketë një reformë zgjedhore konsensuale bazuar në një dakordësi që nisi më 14 janar dhe u konkludua më 5 qershor.
Sipas Braimllarit, Rama e di që zgjedhjet e ardhshme do ti humbasë dhe madje bindshëm.
Braimllari:
Është e qartë përballë opinionit publik, por edhe ndërkombëtarëve që Edi Rama është i vetmi person që nuk kërkon që të ketë një reformë zgjedhore konsensuale bazuar në një dakordësi që nisi më 14 janar dhe u konkludua më 5 qershor.
Edi Rama i ka ikur asaj dakordësie për një arsye shumë të thjeshtë, ai ka frikë nga zgjedhjet e lira dhe të ndershme.
Edi Rama është i qartë që është një humbës në këtë vend jo me një rezultat të ngushtë, por me rezultat të thellë.
Ish-deputeti i LSI-së shtoi se Rama ka shkatërruar bujqësinë dhe turizmin që janë edhe pjesa më e madhe e zhvillimit të vendit.
Braimllari: Shqipëria pjesën më të madhe të zhvillimit të saj ka bujqësinë dhe turizmin, ai i ka shkatërruar të dyja këto.
Bujqësia është e rrënuar totalisht dhe sot fermeri është më i varfër se kurrë.