Brataj: Epidemia e gripit ka arritur kulmin

Drejtori i Qendrës Kombëtare të Urgjencës, Skënder Brataj thotë se prej nëntorit e deri në muajin shkurt jemi në periudhën e gripit. Aktualisht janë tre-katër viruse që veprojnë. Brataj ka theksuar se është arritur kulmi i situatës gripale, ndërsa tani pritet që kurba të zbresë.

Ende janë aktive 4 viruse dhe kërkohet kujdes maksimal. Aktualisht po qarkullojnë gripi A dhe B, virusi RSV dhe Covid-19. ”Gripi cilësohet si një sëmundje shtëpie, që kalon me qetësues, megjithatë nuk duhet neglizhuar në rastet kur simptomat janë: Kollë e fortë, marrje fryme dhe temperaturë e lartë për disa ditë”.

Brataj ka theksuar se vaksinimi është mjaft i rëndësishëm, por mbi të gjitha thelbësor për moshat e thyera dhe te sëmuret kronike.