Britania bëhet gati për luftë me Putin

Qindra trupa të ushtrisë britanike, janë të vendosur në kufirin me Rusinë si një shfaqje të forcës ndaj Vladimir Putinit. Lajmin e ka bërë të ditur gazeta britanike, “Daily Express”, e cila në një shkrim të sajën thekson se David Cameron do të shpallë vendosjen e një batalioni prej 500-të fortësh në Estoni me një veprim të mëtejshëm të 150 trupave shtesë të stacionuar në Poloni, në një bazë të qëndrueshme.

Sipas gazetës, ky veprim vjen për shkak të shqetësimeve të vazhdueshme nga aleanca perëndimore në lidhje me qëllimet e Vladimir Putin, sidomos kundër Ukrainës.

Përpara samitit të NATO-s në Varshavë, një zyrtar tha se: “Ky do të jetë një samit, ku ju do të shihni që Britania do të mbrojë veten, si një nga elementet më të rëndësishme në aleancën e NATO-s. Jo vetëm që do të jetë e palëkundshme në mbështetjen të NATO-s, por ajo do të jetë e përgatitur për të mbështetur me çizme terrenin”.

Duke folur përpara takimit, Cameron ka thënë se: “Ky samit është një shans për ne për të përsëritur mbështetjen tonë të fuqishme për Ukrainën dhe aleatët tanë të tjerë të Lindjes, për të penguar agresionin rus”.

Sipas një raporti të publikuar, gazeta shton se Britania e Madhe është krenare për të marrë rolin kryesor, të vendosjes së trupave në të gjithë Europën Lindore.

Sekretari i Përgjithshëm i NATO-s Jens Stoltenberg tha se Rusia ka trefishuar shpenzimet e saj të mbrojtjes që nga viti 2000, si dhe ka përdorur forcën kundër një kombi të pavarur europian,  Ukrainës. Ai tha: “Kjo ka ndryshuar me të vërtetë mjedisit tonë të sigurisë. NATO duhet të përgjigjet. Kur bota po ndryshon, ne duhet të ndryshojë”.

Burimi: Daily Express/Përshtati: Redjon Shtylla