Bushati në Argjentinë, në 15 vjet s’ka shkuar asnjë kryediplomat

Kryediplomati shqiptar, Ditmir Bushati zhvilloi një vizitë zyrtare në Argjentinë.

"Kjo vizitë e cila vjen pas 15 vitesh që nga vizita e fundit e një ministri të Jashtëm shqiptar në këtë vend me lidhje të forta historike, – thekson Bushati, – shërben si një shtysë për ripërtëritjen e marrëdhënieve dypalëshe".

“Bashkëpunimi i mirë mes dy vendeve të evidentuara në organizatat ndërkombëtare duhet të reflektohet dhe në fusha të tjera e sidomos në bashkëpunimin ekonomiko-tregëtar. Mes dy vendve ka një potencial të lartë për thellimin e bashkëpunimit dypalësh dhe ekziston vullneti për të shfrytëzuar maksimalisht atë”, deklaron gjithashtu ministri. 

Në kuadër të kësaj vizite, Bushati pati takime me ministrin e Punëve të Jashtme dhe Kulteve, Hector Marcos Timerman, Zv.presidentin e vendit dhe Presidentin e Senatit, Amado Boudou, me kryetarin e Komisionit të Politikës së Jashtme të Dhomës së Deputetëve të Parlamentit të Argjentines, Guillermo Carmona si dhe me diasporën shqiptare.

“Pata mundësinë e mirë për të diskutuar me autoritet e larta të këtij vendi për disa sfida dhe veçori të perbashkëta që nxisin një bashkepunim më të mirë mes dy rajoneve dhe vendeve tona”, deklaron gjithashtu Bushati.