Buzhala për protestat: Projektin nuk e duan kushërinjtë e mi në Klinë, por ata në Vlorë janë për PO

Gazetari Berat Buzhala thotë se këto tubime nisën nga një mashtrim, duke u ndalur te projekti në Zvërnec. Ai tha se banorët në Vlorë e duan këtë projekt, ndërsa kundër janë personat që nuk jetojnë në Shqipëri.

”U tha, kur erdhi për herë të parë Ivanka me Jarred kur ishin në Shqipëri, reagimi më i madh ishte që Rama gënjen se nuk do të vijnë. Tani kur erdhën, thanë pse po vijnë. Të nesërmen e protestës, unë kam qenë në Zvernëc dhe kam biseduar. Sa më pranë projektit, ata banorë e duan. Projektin nuk e duan ata që jetojnë në Berlin, edhe në Kosovë. Unë kam qenë në Vlorë dhe ata e duan projektin.

Kushërinjtë e mi në Klinë më thanë se nuk bën të japësh tokë. I gjithë ky mashtrim… Janë dy lloje protestash. Protesta e shëndoshë, shumë njerëz që kërkojnë të protestojnë. Por kjo nisi nga një mashtrim. Postimet e para ishin: ‘Këtu kufizohet Gaza me Izraelin’. Edhe ata që e shpikën këtë tregim, u përgatitën që një etnitet i huaj është marrë me luftën dhe me sulmin propagandistik që ka ndodhur ndaj Shqipërisë. Dhjetëra llogari në Twitter u hapën posaçërisht për Zvërnecin”, u shpreh Buzhala.