Cakaj: Kosova i dha shembull gjithë rajonit se si bëhen zgjedhjet

Ministri i Jashtëm në Detyrë Gent Cakaj, gjatë një konference me ministrin e jashtëm austriak, Alexander Schallenberg, është shprehur se Kosova i ka dhënës shembull rajonit, se si organizohen zgjedhjet, me çfarë standardi të lartë ndodh ndryshimi i pushtetit.

“Nuk më takon të komentoj atë që ka thënë Vuçiç, ngaqë për politikat e tij të brendshme ne nuk mund të ndryshojmë relacionet që kemi me Kosovën. Kosova i ka dhënës shembull rajonit, se si organizohen zgjedhjet, me çfarë standardi të lartë ndodh ndryshimi i pushtetit.

Kosova ka dëshmuar se ka një elektorat mjaft të pjekur. Ne mezi po presim të nisim bashkëpunimin me qeverinë e re të Kosovës. Kosova është realitet objektiv, pavarësia e saj është e pakthyeshme dhe bashkëpunimi i dy vendeve është i pa alternativë”, është shprehur Cakaj.