Çështja “Doshi”, prokurorët marrin sërish në pyetje Durim Bamin

Gjatë ditës së premte prokurorët e Krimeve të Rënda do të marrin sërish në pyetje Durim Bamin, personin që shfaqet në videon e publikuar nga Tom Doshi ku ai pranon se ka marrë para për ta vrarë atë dhe deputetin Mhill Fufi. Seanca e pyetjeve do të zhvillohet pas disa çështjeve të ngritura në seancat e pyetjeve me të tjerë persona që kanë lidhje me ngjarjen. Bami do të duhet të japë sërish shpjegime për pikëpyetjet e ngritura nga Doshi, për akuzat e bëra nga Dritan Prifti apo për deklaratat e Mark Frrokut. Në seancën e parë të marrjes në pyetje Bami hodhi poshtë deklaratat e tij në video duke thënë se e kishte mësuar Doshi të fliste në atë mënyrë. Mbetet për të parë nëse do t’ju qëndrojë apo jo ai deklaratave të para.