Cilat janë provat e tjera që Tom Doshi dorëzoi sot në Prokurorinë e Krimeve të Rënda?

Ka gati një orë që deputeti socialist Tom Doshi ndodhet në Prokurorinë e Krimeve të Rënda. Kjo është paraqitja e tij e gjashtë në këtë institucion. Doshi hyri i vetëm në organin e akuzës, ndërsa në dorë mbante disa dokumente. Deputeti i Shkodrës nuk ka qenë i thirrur nga prokurorët, por është paraqitur vtë, për të depozituar, sipas tij prova të tjera që lidhen me akuzat që ai ka bërë ndaj Ilir Metës. Në paraqitjen e tij të parë në Prokurori, Doshi dorëzoi videon ku shfaqej Durim Bami, i cili rrëfente porosinë që kishte marrë për vrasjen e Doshit dhe Mëhill Fufit. Në ditët në vijim pritet të ketë një ballafaqim mes Doshit, Frrokut, Bamit dhe Fation Skënderit.