Cilët janë 10 shqiptarët më të shtrenjtë në tregun europian ?

Paraqitja e skuadrës sonë përfaqësuese e cila si rrallë herë ndodhet në luftë të plotë për një vend në kampionatin europian, por edhe performancat e dhuruara nga lojtarët me origjinë nga trojet shqiptare në kontinentin e vjetër ja kanë ngritur vlerat dhe emrin flamurit kuqezi në një sport me audiencë botërore si futbolli, por jo vetëm kaq. Portali i njohur gjerman ‘ transfermarket” i cili merret me përllogaritjen e vlerave të futbollistëve në treg, duke u bazuar në gjithçka të mirë shqiptarët po bëjnë, ka ndryshuar edhe shumat për kartonin e lojtarëve me zemër kuqezi, por që jo të gjithë përfaqësojnë shqiponjën dy krenare në arenën ndërkombëtare.

Kështu në vendin e parë ndodhet Xherdan Shaqiri. Mesfushori i Interit vlerësohet 18 milion euro, dhe që nga mbërritje e tij në Milano duket se po pushton zemrat e tifozerisë ziklatër. Pas tij gjendet Granit Xhaka, djaloshi i lindur në Basel i cili po ashtu si Shaqiri përfaqëson Zvicrën, është aktualisht në qëndër të merkatos ku kërkohet nga Bajerni i Mynihut dhe Atletico e Madridit sipas ‘transfermarket’ kushton 13 milion euro, edhe pse Gladbachu nuk e lëshon për më pak se 25 milion. Në pozicionin numër 3 është një kampion bote. Shkodran Mustafi po bën mjaft mirë me Valencian dhe kartoni i tij vlerësohet me shifrën e 12 milion eurove. Më pas janë të renditur Valon Behrami, Adnan Januzaj, Admir Mehmedi i cili aktivizohet me Fraiburgun, Blerim Xhemaili dhe Pajtim Kasami i Olimpiakosit.

Në vendin e 8-të ndodhet lojtari i parë që përfaqëson ngjyrat kuqezi në të gjitha kuptimet, Shkëlzen Gashi. Futbollisti më i mirë aktualisht i përfaqësueses sonë vlerësohet 4.5 milion euro, por me golat dhe gjithçka po bën me Baselin është e sigurt që nëse zviceranët vendosin ta hedhin në treg, shuma e përcaktuar nga “transfermarket” do të amplifikohet në mënyrë të konsiderueshme, në pozicionin numër 9-të është gardiani i portës sonë Etrit Berisha. Sipas portalit gjerman 26 vjeçari kushton 3 milion euro, por me pritjet e mrekullueshme që po kryen, kjo vlerë me shumë gjasa mund të jetë minimumi që dikush duhet të paguajë për aftësitë e tij. Në fund Taulant Xhaka, mesfushori kuqezi nëse një ditë largohet nga Baseli, klubi zviceran do të përfitojë pa diskutim shumë më shumë se sa 2.25 milion euro.