Çmimet e karburanteve po i dirigjon ”dora e padukshme”, jo tregu botëror

Bursa është justifikimi për rritjen e frikshme të çmimit të naftës, e jo vetëm. Çmimet e karburanteve në vend po i dirigjon “dora e padukshme”, e jo tregu botëror. Spekulimi gati në absurd me çmimet e naftës, benzinës, pa përjashtuar e gazin mund të vërtetohet nga një analizë e thjeshtë.

Më 2 mars kur nisi edhe e përpjeta e çmimeve të hidrokarbureve, çmimi i naftës së papërpunuar Brent në bursa ishte në rreth 112 dollarë për fuçi. Karburantet në vend e tregtonin lëndën djegëse në vlerën e 192 lekëve për litër.

Akciza vijon të jetë 37 lekë për litër, taksa e qarkullimit 27 lekë, dhe ajo e karbonit 3 lekë, rilicencimi 7 deri në 10, markimi e skalimi 3 lekë, kontrolli i pompave 3 lekë si dhe Tatimi mbi Vlerën e Shtuar, po 20 për qind.

Taksat që i paguhen qeverisë, si dhe marshi i fitimit të kompanisë, disbalanca e reflektimit të çmimit nga tregu ndërkombëtar në atë vendas ngre hije të forta dyshimi për abuzim me çmimin.