Çuçi: Në 2022-in, konfiskuam 24 milionë euro asete kriminale

Në një konferencë për mediat, Ministri i Brendshëm, Bledi Çuçi ka bër një bilanc për vitin 2022, por ka prezantuar edhe objektivat për 2023.

Ndër të tjera Çuçi tha se në 2022-in janë konfiskuar 24 milionë euro asete kriminale.

“Asete kriminale të konfiskuara sipas ligjit Antimafia, dhe nuk po marr këtu OFL, kemi 747 mijë euro në 2012 me pak a shumë 24 mln euro në 2022. Pra janë në dispozicion të shtetit shqiptar këto asete. Koha e reagimit të policisë, në 2016, ka qenë 25 minuta në 2022 – 15 minuta, objektiv ta çojmë në 13 minuta.

Ndryshim si nata me ditën edhe në perceptimin e publikut për punën e Policisë së Shtetit”, u shpreh Çuçi, ndërsa theksoi se gjatë këtij viti u arrestuan 168 punonjës policie në kuadër të luftës pa kompromis luftës ndaj korrupsionit brenda Policisë së Shtetit”,- tha Çuçi.