Daja i 8-vjeçarit që u vra dje në Fier: Kriminelin ta varin, s’dua asgjë tjetër!

Daja i vogëlushit Mateo Veisiu, që u vra dje në mënyrë makabre nga fqinji në Fier, ndodhet pranë familjes në këto ditë të zeza për ta. Apeli i tij është vetëm varje për autorin, nuk kërkon asgjë tjetër.

“Nga shteti kërkojmë vetëm varje. S’ka ligje. Apeli im më i madh është ma nxirr aty në mes të Fierit ma var, asgjë tjetër. Ky është apeli i fundit. Shteti do ta marrë, do ta nxjerrë prapë. Unë nuk di gjë për motivin”, thotë Nikolin Braja me lot në sy e mjekrën që i dridhet.
Vogëlushi do të përcillet sot në banesën e fundit, teksa pranë shtëpisë së tij edhe sot janë vendosura forca të shumta policie.