Dako dërgohet në burg, avokati: Do e provojmë që nuk ka kryer vepër penale

Pasi GJKKO vendosi masën e sigurisë ”arrest me burg”, avokati Petrit Ismaili, tha se Vangjush Dako i ka kundërshtuar akuzat dhe se prokuroria nuk ka paraqitur asnjë provë për lënien e tij në burg. Avokati kërkoi masë më të lehtë duke pretenduar se faktet e prokurorisë nuk qëndrojnë.

“Prokurori nuk paraqiti asnjë provë për këtë veprim të ngutshëm të ndërmarrë, gjithashtu nuk dha asnjë provë për të justifikuar masën e sigurisë. Kërkesa jonë ishte ndryshimi i masës së burgimit pasi nuk ka duket e nevojshme.

Dako ka qenë kryetar bashkie dhe ka ushtruar detyrën përmes strukturave, për të cilat nuk mban përgjegjësi kryetari i bashkisë. Ka një lapsus të prokurorisë. Është e provuar që vepra penale nuk ekziston”, u shpreh ai.