Dako në pranga, Zheji: Hapi i parë, populli gjeti mbështetje te drejtësia

Arrestimin e ish-kryebashkiakut Vangjush Dako, analisti Artur Zheji e quan hapin e parë që populli arrin të gjejë mbështetje te drejtësia për të drejtat e tij.

“Ka një gëzim të një standardi që një grup banorësh kanë bërë presion ndaj drejtësisë që të ketë drejtësi. Ky popull kur sheh që opozitarizmi është pazarxhi dhe nuk ekziston kanë gjetur te drejtësia një rrugë shprese.

Do ishte dhe në Paris e Londër kështu siç ndodhi në qytetin e Durrësit. Kjo nuk ka të bëjë çfarë mendoj unë për Dakon, kjo është gjë e vogël. Ky është hapi i parë që populli gjen te drejtësia mbështetje për të drejtat e veta”-tha Zheji për arrestimin e Vangjush Dakos në Top Story.