Dardha zbardhet nga bora, problem në 3 km rrugë, borëpastrueset në terren

Rikthehen reshjet e borës në fshatin turistik të Dardhës ndërsa mësohet se reshjet e borës kane nisur prej orëve të para të mëngjesit të kësaj të mërkure.

Sipas zyrtareve të autoritetit lokal të rrugëve nacionale, në segmentin rrugor të Dardhës trashësia e borës ka shkuar deri në 3 cm, ndërsa problem shfaq kilometri i 9 deri në kilometrin e 12.

Ndërkohë në terren kanë dalë firmat kontraktore të cilat po punojnë për kriposje dhe hapjen rrugëve.

Sektori i qarkullimit rrugor u bën thirrje drejtuesve te mjeteve, të shfaqin kujdes në këtë segment për shkak të prezencës së borës dhe lagështirës ndërsa drejtuesit e mjeteve duhet të pajisen me gomat e dimrit.