Daut Lazes iu desh gjysmë ore për të kapërcyer murin e burgut

Daut Laze vijon të jetë personi më i kërkuar nga policia. Ai u arratis në mënyrë spektakolare nga ambientet e burgut të Shënkollit në Lezhë, aty ku janë zhvendosur të dënuarit me probleme të shëndetit mendor. Prej dy javësh, 49-vjeçari i cilësuar me rrezikshmëri të lartë shoqërore nuk është gjendur ende.

Daut Laze është larguar i qetë dhe i vetëm nga qelia, rreth orës 03:44 minuta të datës 4 shkurt. Nga kqyrja e kamerave të sigurisë së burgut, është vërejtur se 49-vjeçari ka hasur vështirësi vetëm në momentin që ka kapërcyer murin rrethues të institucionit. E gjithë arratisja, sipas burimeve, nuk ka zgjatur më shumë se gjysmë ore.

Pas arratisjes së Lazes u arrestuan tre punonjës të burgut të Shënkollit, për shpërdorim detyre. Punonjësit e burgut kanë pohuar se gjatë kohës që kanë kaluar përballë dhomës që Laze qëndronte i shtruar. Ata kanë kujtuar se ai ndodhej në gjumë në qeli. 49 vjeçari ishte arrestuar për dhunë në familje, por vitin e kaluar Gjykata e Tiranës kishte caktuar mjekim të detyrueshëm për të.